Pages

31 May 2011

ഇരുള്‍


കൊലച്ചതിയുടെ-
ക്കൊടുംച്ചതിയുടെ-
പ്പെരുംചൂരുമാ-
യൊരു രാത്രി
കൂടിക്കടന്നു വന്നു.

ഇരുളാനിരുളെ-
ങ്ങുമേതു വഴിയിലു-  
മപകടം പതുങ്ങുന്നു.

മാനം കവരും
വഴിയിടകള്‍ തെരുവുകള്‍;
പെണ്ണബല-
യാണത് സത്യം.

രാത്രിഞ്ചരന്മാര്‍
പതുങ്ങുന്നി-
രുളില്‍ കത്തി-
മുനകള്‍ തിളങ്ങുന്നു.
ചോരയ്ക്ക് ദാഹിക്കുന്നു
കയ്യും കഠാരയും.

മാംസവാണിഭം , കവര്‍ച്ച ,
കൊലകള്‍ ;ഇരുള്‍
ക്രൂരമാകുന്നു.
കടുംചോരയുടെ നവ്യ
ഗാഥകളെഴുതി
ഇരുള്‍ സ്വയമൊ-
ടുവിലോടുങ്ങുന്നു.

30 May 2011

രൂപം

  1. ഹൃദയം
          ഏതോ വിരഹാര്‍ത്തന്‍ പാടുന്ന 
          പ്രേമഗീതമാണ് നീ;
          ഹൃദയഹേമന്തവും.

          മഴ പെയ്തൊഴിഞ്ഞ മാനത്തു
          വിരിയുന്ന എഴഴകാണ് നീ;
          സ്വപ്നസുഗന്ധവും.  

    2.  ആത്മാവ്

          ഇതൊരു ഭഗ്നകവിതയുടെ അസ്ഥിമാടം
          ഇതിനകത്ത് ഒരു മൃതകവിയുടെ
          ജീര്‍ണിച്ച ഹൃദയം സ്പന്ദിക്കുന്നു.  

തടവറ


മനസ്സ് മരവിച്ചു തുടങ്ങിയത്
എപ്പോഴാണെന്ന്
ഞാനറിഞ്ഞില്ല.
ചുണ്ടുകള്‍ക്കിടയില്‍നിന്നും
ചിരി മാഞ്ഞതും
അറിഞ്ഞില്ല.
സൌഹൃദ പുഷ്പങ്ങളൊന്നൊന്നായി
കൊഴിഞ്ഞു വീണതും  
അറിയാതെ പോയി.
ഇപ്പോള്‍ ഏകാന്തതയുടെ
ഇരുട്ടറയില്‍ ബന്ധിതനായി
ഘനശൂന്യതയിലേക്ക് നോക്കി
പരിതപിക്കുകയാണ് ഞാന്‍.

27 May 2011

എന്‍റെ പ്രണയിനി

നീ മാനത്തലയുന്ന കാറ്റായിരുന്നു
നിന്‍റെ ചിറകുകളില്‍ പ്രണയത്തിന്‍റെ സ്വപ്നങ്ങളായിരുന്നു

വേര്‍പിരിയല്‍


നിന്‍റെ സ്വപ്നങ്ങളില്‍
ഇനി ഞാന്‍ വരില്ല.
എന്‍റെ സ്വപ്നങ്ങളില്‍
നിന്നെ കാണുകയുമില്ല.