വിവാഹം

നമ്മുടെ മനസ്സുകൾ ഒന്നാണ്
ഇനി ദൈവസന്നിധിയിൽ ഒരൊപ്പ് മതി.
താലി കൊണ്ട് ഒരു ബന്ധനം
നമ്മുടെ സ്നേഹത്തിന്റെ അടയാളം
നമ്മുടെ വിവാഹം


***

ബന്ധനം

എന്റെ ജീവിതം നിന്നിലും
നിന്റെ ജീവിതം എന്നിലും
നമ്മൾ  നമ്മിലും അലിയുന്നു
*

വീണ്ടും ഒരു രാത്രി

വീണ്ടും ഒരു രാത്രി കൂടി 

നിന്റെ പ്രണയത്തെ ഓർമപ്പെടുത്തി .

തണുത്ത നിശ്വാസങ്ങൾ കാറ്റായ് അലിഞ്ഞു .

ഇപ്പോഴും നീ ദൂരെയാണെന്ന ചിന്ത 

എനിക്ക് പിന്നെയും മുറിവായി..

രക്തം തൂലികയിൽ നിറച്ച് 

ഞാൻ നിന്റെ നാമം 

ചുവരിൽ എഴുതിച്ചേർത്തു,

ഒരു തവണ കൂടി.

ആ സുദിനം എന്നാണെന്ന് 

ഞാൻ പിന്നെയും മനസ്സിൽ ആവർത്തിച്ചു,

നീ എന്റെതാകുന്ന ദിവസം.

നാം ഒരാത്മാവും ശരീരവും ആകുന്ന ദിവസം.

നിശ്വാസങ്ങളിൽ ഒരേ താളവും രാഗവും 

ഇഴചേരുന്ന ദിവസം.

ഒരു തവണ കൂടി 

നിന്റെ പ്രണയം എന്നിൽ നിറഞ്ഞു.

എന്റെ പ്രപഞ്ചം

 നീ മാത്രമായി.

ഒരു ഗാനം പോലെ 

ഞാൻ നിന്നിലലിഞ്ഞു.

*****