വിശാലമാണെന്‍ സൌഹൃദവലയം
സ്നേഹമതികളാണെന്‍ തോഴര്‍
എന്നാത്മനൊമ്പരങ്ങള്‍
ഒപ്പിയെടുത്താശ്വസിപ്പിക്കുമവര്‍
ഇരുളിലുഴറുന്നു ഞാന്‍
എകനായേതോ മരുഭൂവില്‍
വെയിലേറ്റു വാടവേ,
ആരുമില്ലാരുമില്ല.
ഞാന്‍ മാത്രം, ഞാന്‍ മാത്രം
അത്യുഗ്രമീ ചൂടില്‍
വിരഹത്തിന്നഗ്നികുടീരത്തില്‍
ഒരഗ്നിസ്തംഭമായാ-
ളിപ്പടരവേ, ഒരാ-
ശ്വസകരം തേടുന്നു ഞാന്‍.
വിരഹത്തീയിലുരുകുമൊരു
നീഹാരപ്രതിമയാണ്‌ ഞാന്‍.
അഗ്നിതന്‍ പീതവര്‍ണ്ണ-
ത്തിലുരുകുമെന്‍ മാനസം.
നീഹാരപ്രതിമതന്‍ വെണ്മ
ഉരുകിയൊലിച്ചുപോയ്‌,
ഞാനൊരു കരിക്കട്ടയായ്.
ഈ വേദനയിലുമാനന്ദം
കൊണ്ടാഹ്ലാദിക്കുന്നു ഞാന്‍.
വിരഹത്തിനുണ്ടൊരു സുഖം
നൊമ്പരങ്ങള്‍ക്കും.
ഓര്‍മ്മകളില്‍ പൊന്‍തൂവലായ്
എനിക്കീ സൗഹൃദം
പ്രോജ്ജ്വലിക്കട്ടെയെന്നും.
നിങ്ങളുടെ സ്നേഹമസൃണമാം
സൌഹൃദാനുഭൂതികള്‍
കൂട്ടുകാരെ, നിങ്ങളെന്നില്‍
വികാരപ്രക്ഷോഭമേകി .
ഈ സുഹൃദ് വലയമെത്ര
സ്നേഹസുഗന്ധവാഹിനി.
ഹാ, എന്നുമെനിക്ക്
തുണയാകുന്നുവോ നിങ്ങള്‍.
നിങ്ങളുന്ടെങ്കിലേത്
മരുഭൂവിലും ഞാനുണ്ടാകും.
ശീതവാഹിയായൊരു
മന്ദമാരുതന്‍ വീശും പോലെ-
യാണല്ലോയീ സ്നേഹം.
വിരഹത്തീയിലുരുകുമൊരു
മഞ്ഞുപ്രതിമയെങ്കിലും
കല്ലില്‍ കൊത്തിയ ശില്പമായി
ഞാനൊരുനാള്‍ മാറും.
നിങ്ങള്‍തന്‍ സ്നേഹത്തിന്‍റെ
ആഴമാണതിന്റെ കാരണം സഖേ.
അനശ്വരനാക്കുന്നെന്നെ
ഈ സ്നേഹബിന്ധുക്കള്‍
നവജീവിതകുസുമങ്ങള്‍.
ഈയോര്‍മ്മകളില്‍
ഞാനാനന്ദിചീടുന്നു.
എകനായൊരു മരുഭൂവില്‍
വെയിലേറ്റു തളര്‍ന്നിരിപ്പവേ
വിരഹവേദനയെനിക്കൊരു
സുഖനുഭൂതിയാകുന്നു,
ആനന്ദഭരിതമാകുന്നെന്‍ മനം.
^^^^^^^^^^^^^^^^^^^^^^
കല്ലില്‍ കൊത്തിയ ശില്പമായി
ഞാനൊരുനാള്‍ മാറും.
നിങ്ങള്‍തന്‍ സ്നേഹത്തിന്‍റെ
ആഴമാണതിന്റെ കാരണം സഖേ.
അനശ്വരനാക്കുന്നെന്നെ
ഈ സ്നേഹബിന്ധുക്കള്‍
നവജീവിതകുസുമങ്ങള്‍.
ഈയോര്‍മ്മകളില്‍
ഞാനാനന്ദിചീടുന്നു.
എകനായൊരു മരുഭൂവില്‍
വെയിലേറ്റു തളര്‍ന്നിരിപ്പവേ
വിരഹവേദനയെനിക്കൊരു
സുഖനുഭൂതിയാകുന്നു,
ആനന്ദഭരിതമാകുന്നെന്‍ മനം.
^^^^^^^^^^^^^^^^^^^^^^
No comments:
Post a Comment