ഒരു ദു:ഖരാഗം പോലെ
ഒരു വിലാപകാവ്യം പോലെ
കൊഴിഞ്ഞ പൂവ് പോലെ
നീയൊരു മുല്ലവള്ളി പോലെ
നീയൊരു വിരഹിണി പോലെ.
തേങ്ങും ഹൃദയം പോലെ
ഇടറും ആത്മരാഗം പോലെ
നീര്‍മിഴികള്‍ പോലെ
വിതുമ്പും ചുണ്ടുകള്‍ പോലെ
നീയൊരു തേങ്ങല്‍ പോലെ
നീയൊരു വിരഹിണി പോലെ.
ഒരു വിരഹഗീതം പോലെ
മിഴിനീര്‍മുത്തു പോലെ
കരളിലെ മോഹം പോലെ
നിശ്ശബ്ദസ്വരം പോലെ
നീയൊരു വിരഹിണി പോലെ.
നിന്‍ മിഴികള്‍ ഇന്ദ്രധനുസ്സുകള്‍
നീയൊരു നീഹാരബിന്ദു
നീയൊരു വാടിയപൂ പോലെ
ഒരു പ്രേമഗാനം പോലെ
ഒരു ഇന്ദുകിരണം പോലെ
നീയൊരു സ്വപ്നം പോലെ
നീയൊരു മൃദുസ്മിതം പോലെ.
മാനസമന്ദാകിനി നീ
ചെമ്പനിനീര്‍ മലര്‍ പോലെ
ഇടറും നാദസ്വരം പോലെ
ക്ഷേത്രദാരുശില്‍പം പോലെ
ഒരു സാലഭഞ്ജിക പോലെ
നീയൊരു ശില്‍പം പോലെ
നീയൊരു വിരഹിണി പോലെ.
കരയുവതെന്തിനിന്നു നീ?,
നിന്‍ ചാരെ ഞാനില്ലയോ.
വിതുമ്പുവതെന്തിനു നിന്‍
ചുണ്ടുക, ളെന്തിനിന്നു
നീ കരയുന്നു?
നീയൊരു മധുചന്ദ്രിക പോലെ
മിന്നും താരക പോലെ
നീയൊരു തേന്‍മൊഴി പോലെ
വെന്തുരുകും മാനസം പോലെ
ഒരു സ്നേഹരാഗം പോലെ
ഒരു സാന്ത്വനസ്പര്‍ശം പോലെ
ആശ്വസതീരം പോലെ
മധുരാനുഭൂതി പോലെ
ജ്വലിക്കും അഗ്നി പോലെ
നീയൊരു വിരഹിണി പോലെ.
നീയൊരു വര്‍ണ്ണസുരഭി പോലെ
ഒരു കുളിര്‍തെന്നല്‍ പോലെ
എന്‍ ഹൃദയതാളം പോലെ
സ്വര്‍ണമരാളം പോലെ
നീയൊരു സ്വപ്നഗായിക പോലെ
സ്വര്‍ഗ്ഗദൂതിക പോലെ
ഒരു വിരഹിണി പോലെ.
കേഴും കാമുകി പോലെ,
എന്‍പ്രിയ കാമുകി പോലെ.
`````````````````````````````
No comments:
Post a Comment