രാവിന്‍റെ നിഴല്‍പ്പാടുകള്‍ നീളുന്നു
പുഴയുടെ ഗര്‍ഭം പിളരുന്നു
ഇരുണ്ട രാത്രിയില്‍ കത്തിമുനകള്‍ തിളങ്ങുന്നു
ഒറ്റക്കണ്ണനാമാകാശം ശൂന്യതയിലലയുന്നു
കാക്കകള്‍ ബലി ചോറിനായി കരയുന്നു
കഠാരകള്‍ ചോരയ്ക്ക് ദാഹിക്കുന്നു
ജാതി ജാതിയെ കൊല്ലുന്നു
മതം മതത്തെ ബലാല്‍സംഗം ചെയ്യുന്നു
നശിക്കുന്നതോ, മനുഷ്യകുലം മാത്രം.
ആരാണ് പുഴയുടെ
ഗര്‍ഭം പിളര്‍ത്തിയത്?
ആരാണ് കൂടുതല്‍ പേരെ
കൊന്നൊടുക്കിയത്?
ആരുടെ കഠാരിയ്ക്കാണ്
ദാഹം മാറാത്തത്?
കൊല്ലൂ , ഹിന്ദുക്കളെ കൊല്ലൂ
ഇസ്ലാമുകളെ കൊല്ലൂ
എല്ലാവരെയും കൊല്ലൂ
കൊല്ലൂ , കൊല്ലൂ , കൊല്ലൂ...
ഞങ്ങള്‍ , ദൈവങ്ങള്‍
ചോര കുടിച്ചാനന്ദിക്കട്ടെ
ഭൂമി ചുവക്കട്ടെ
ധരയുടെ പൊക്കിള്‍ച്ചുഴി
രക്തം കൊണ്ട് നിറയട്ടെ
അവളുടെ മാറിടങ്ങള്‍
ചുടുനിണം ചുരത്തട്ടെ
ഞങ്ങള്‍ , ദൈവങ്ങള്‍
രക്തം കുടിച്ചു
ഉന്മാദ നൃത്തമാടട്ടെ.
No comments:
Post a Comment