അകലങ്ങളില്‍ കത്തുന്ന നഗരങ്ങള്‍ കാണാം
നഗരങ്ങളിലെരിയുന്ന രോദനം കേള്‍ക്കാം
നീറിപ്പുകയുന്ന മാനസങ്ങളെക്കാണാം
പിടയുന്ന കൊച്ചുകൊച്ചു വേദനകള്‍ കേള്‍ക്കാം
ഉയരെ പൊങ്ങുന്ന പുകപടലങ്ങള്‍ കാണാം
അവയില്‍ അലിഞ്ഞമര്‍ന്ന ജയാപജയങ്ങള്‍ ഗ്രഹിക്കാം
രണഭൂമിയില്‍ വിറയ്ക്കുന്ന ഛെദാംഗങ്ങള്‍ കാണാം
ശ്മശാനങ്ങളില്‍ കത്തുന്ന ചിതകളും കാണാം
ചുറ്റിലും ആര്‍ത്തലറുന്ന വിധവകളും നടപ്പൂ
കരഞ്ഞു തളര്‍ന്ന പിഞ്ചു ഹൃദയങ്ങളും കാണ്മൂ
ഒട്ടിയ വയറിന്‍റെ വിശപ്പും കരയ് വൂ
നാണം മറയ്ക്കാത്ത ദേഹങ്ങളും കാണ്മൂ
പ്രകൃതി പോലും നടുങ്ങിയേ നില്‍പ്പൂ
മണ്ണില്‍ ചോര കട്ടപിടിച്ചേ കിടപ്പൂ
പുകമറയ്ക്കുള്ളില്‍ സ്വപ്നങ്ങളും അലയ് വൂ
എങ്ങുമായുധങ്ങളും തകര്‍ന്നേ കിടപ്പൂ.
മണ്ണില്‍ ചോര കട്ടപിടിച്ചേ കിടപ്പൂ
പുകമറയ്ക്കുള്ളില്‍ സ്വപ്നങ്ങളും അലയ് വൂ
എങ്ങുമായുധങ്ങളും തകര്‍ന്നേ കിടപ്പൂ.
നിലംപൊത്തിയ സ്തൂപങ്ങള്‍ കാണാം
തകര്‍ന്ന കോട്ടകൊത്തളങ്ങളും കാണാം
മണ്ണായ്ത്തീര്‍ന്ന സ്മാരകങ്ങള്‍ കാണാം
വീഴാന്‍ വെമ്പുന്ന കെട്ടിടസമുച്ചയങ്ങളും കാണാം
മാനത്ത് മൂളുന്ന ഇരംബലുകള്‍ ഇനിയും കേള്‍ക്കാം
പട്ടാളമാര്‍ച്ചിന്‍റെ ബൂട്ടുകള്‍ ഇനിയും കേള്‍ക്കാം
മണ്ണിലുരുളുന്ന ശിരസ്സിന്‍റെ പിടച്ചിലും കേള്‍ക്കാം
അടക്കിയ വിലാപവും നീറുന്ന വേദനകളും കേള്‍ക്കാം.
യുദ്ധം കഴിഞ്ഞെന്നു നിസ്സംശയം പറയാം
ആരോ ജയിച്ചെന്ന് ആര്‍പ്പും വിളിക്കാം
തോറ്റതാരെന്നു ഓര്‍ത്തോര്‍ത്തു തപിക്കാം
നാശങ്ങളില്‍ മനംനൊന്തു കണ്ണീരൊലിക്കാം
No comments:
Post a Comment