date: n.a.
ഞാനൊരു ദു:ഖഗായകന്‍
ഞാനൊരു വിരഹകാമുകാന്‍
നിന്നെയോര്‍ത്ത് തപിക്കുമൊരു
വേഴാമ്പലിന്‍ സംഗീതമാണ്‌ ഞാന്‍.
നീറിപ്പിടയുന്ന ഓര്‍മ്മകള്‍
വിരഹത്തിന്‍ നിറക്കൂട്ടുകള്‍
ചാലിച്ചെടുക്കുമ്പോള്‍, അതിലെ
കാളിമയുടെ തനിരൂപമാണ് ഞാന്‍.
പിടയുന്ന എന്‍ പ്രാണന്‍റെ
മിന്നലാകുന്ന സൌന്ദര്യമാണ് നീ .
ഇടമുറിഞ്ഞു മിടിക്കുമെന്‍
ഹൃദയത്തില്‍, ഇടതടവില്ലാതെ
മിടിക്കുന്ന താളമാണ് നീ.
ഓര്‍മ്മകള്‍ നെയ്യുന്ന ചിലന്തി-
വലയില്‍ കുടുങ്ങുമ്പോള്‍
ഞാനെന്ന ഷഡ്പദത്തെ
രക്ഷിക്കുവാന്‍ നിനക്കേ കഴിയൂ.
നീയാണെന്റെ പൊന്‍വെളിച്ചം
എന്‍റെ ജീവന്‍റെ സുവര്‍ണ്ണരാഗം.
മേഘപാളികളില്‍ നീ
മറഞ്ഞിരിക്കിലും, നിന്‍
മുഖമെന്‍ മാനസത്തില്‍
പതിഞ്ഞിരിക്കുന്നു.
നിന്‍റെ അമൃതമാം
ഗാനവീചികള്‍ എന്നെ
തലോടിയുറക്കുന്നു,
അവ മേഘപാളികളെത്തുളച്ചു
എന്‍റെ സമീപമെത്തുന്നു.
എന്‍റെ ജീവസങ്കല്പമേ, നീയില്ലാതെ
ഞാനെങ്ങനെ ജീവിക്കും.
^^^^^^^^^^^^^^^^^^^^^^^^^^^^^^^^
No comments:
Post a Comment