date: n.a.
നിന്‍റെ സൌന്ദര്യത്തിനു
മുന്നിലൊന്നുമല്ല ഞാന്‍.
നീയെന്ന ഗാനത്തിനു
മുന്നില്‍ തൃണമാണ്‌ ഞാന്‍.
എങ്കിലും സഖീ, നിന്നെ
പ്രേമിച്ചുപോയീ ഞാന്‍.
നിന്‍റെയാ കത്തുന്ന
അംഗലാവണ്യത്തിനോട്
കിടപിടിയ്ക്കാനെനി-
ക്കൊന്നുമില്ലയെങ്കിലും
പ്രേമിച്ചു പോയീ ഞാന്‍.
രുധിരം കൊണ്ടെഴുതീ
നിന്‍ നാമമെന്‍ ഹൃത്തില്‍.
എന്‍ കരളില്‍ നിന്‍റെ
ഓര്‍മ്മകള്‍ പുഞ്ചിരിക്കുന്നു,
നീ പുഞ്ചിരിക്കുമ്പോലെ.
നിന്‍റെ നുണക്കുഴിക്കവിളുകള്‍
എന്‍റെ ചിന്തകള്‍ക്കുണര്‍-
വ്വേകുന്നു, നിറം പകരുന്നു.
ഓ പ്രണയിനി, നീയെന്‍
ഹൃത്തിലെ മണിമാളിക
നിന്‍റെ സ്വന്തമാക്കി.
ഭ്രാന്തമായ ചിന്തകള്‍
വേട്ടയാടുകയാണെന്നെ;
പക്ഷെ, തോഴീ നീ
എന്‍റെ ആശ്വാസതീരമാണ്.
ഗന്ധര്‍വ്വഗീതമായ്‌
ഉയരുന്നു നിന്‍ കളമൊഴി-
നാദം; എന്‍റെ ഹൃത്തിലെ
ചുവരുകളില്‍ത്തട്ടി
ഉച്ചസ്ഥായിയിലായിയിതാ
പ്രതിധ്വനിക്കുന്നു.
പ്രണയിനീ, എന്‍റെ ഓര്‍മ്മ
നിന്‍റെ നിദ്രയെ അലോ-
സരപ്പെടുത്തുന്നുവോ? ഞാന്‍
നിനക്ക് ഒരു ശല്യം
പോലെയാകുന്നുവോ?
ക്ഷമിക്കൂ സഖീ, നിന്നെ
പ്രേമിച്ചുപോയീ ഞാന്‍.
ഒരു നാള്‍ നീയുമിതു
മനസ്സിലാക്കും; അന്ന്
നീ നിന്‍ഹൃത്തിനോട്
ചോദിക്കും, എന്നെ
പ്രേമിക്കാനെന്തേ നീയിത്ര
വൈകി; കാത്തിരിക്കും
പ്രണയിനി ഞാനാ ദിനത്തിനായി.
!!!!!!!!!!!!!!!!!!!!!!!!!!!!!!!!!!!!!!!!!
No comments:
Post a Comment