രജനിയിലെപ്പോല്‍ അന്ധകാരം
നിറഞ്ഞയെന്‍ ജീവിതത്തില്‍
ഒരു സാന്ത്വനസ്പര്‍ശവുമായ്‌
നീ അണഞ്ഞിരുന്നെങ്കില്‍.
ഏകാന്തതയുടെ വിരസതയില്‍
ഏതോ അഭിനിവേശങ്ങളില്‍
ലയിച്ചു ഞാനിരിക്കവേ, നീ
ലഹരിതന്‍ ഗാനമായെങ്കില്‍.
കാമിനീ, നിന്‍റെയോര്‍മ്മകളെന്നില്‍
പടര്‍ത്തുന്ന അഗ്നിയെ കെടുത്തുവാന്‍
ഒരിളംകാറ്റായ് നീ കടന്നുവന്നെങ്കില്‍ .
നീയൊരു രതിദേവതയായെങ്കില്‍.
ആശ്വാസതീരമായെങ്കില്‍,
നീയൊരു തിരമാലയായെന്‍
മുടിയിഴകളെ തലോടിയെങ്കില്‍,
എന്‍ നെറ്റിത്തടത്തില്‍ നീ-
യൊരു ചുംബനമേകിയെങ്കില്‍.
എന്‍ സിരകളില്‍ ലഹരിതന്‍
സുഖം നിറയ്ക്കാന്‍ നീയരികില്‍
അണഞ്ഞിരുന്നെങ്കില്‍,
എന്നെ പുണര്‍ന്നിരുന്നെങ്കില്‍.
No comments:
Post a Comment