ഈ നനഞ്ഞ പകലിനെ
നമ്മള്‍ സ്വപ്നം കാണുന്നു.
ഈ ഇളംതണുപ്പില്‍ കുളിരണിയാന്‍
നമ്മള്‍ ആഗ്രഹിക്കുന്നു.
നമുക്ക് തമ്മില്‍ത്തമ്മില്‍
എന്ത് തോന്നുന്നു?
നമുക്കിടയില്‍ ഉണരുന്നത്
സ്വപ്നങ്ങളോ മിഥ്യകളോ?
ഒരു മരത്തിന്നിരുവശവുമായിരുന്നു
നമ്മള്‍ നിന്നിരുന്നതെങ്കിലും
നമ്മുടെ മനസ്സുകള്‍ക്കിടയില്‍
അകലമുണ്ടായിരുന്നില്ല.
നമുക്കിടയില്‍ മൌനമായിരുന്നെങ്കിലും
മാനസങ്ങള്‍ സ്വൈര്യസംഭാഷണം
നടത്തുകയായിരുന്നു.
ഒരു മഞ്ഞുപാളിയിലൂടെ-
യെന്നപോലെ ഈ നിമിഷം
ഞാന്‍ നിന്നെ കാണുന്നു,
നിന്‍റെ കണ്ണിലെ തിളക്കവും.
ഈ നിമിഷം ഒരായിരം
നിമിഷങ്ങളുടെ തുടക്കമാണ്.
എന്താന്നാല്‍ ഈ നിമിഷം
എന്നില്‍നിന്നു ഒരിക്കലും
അകലുകയില്ല.
No comments:
Post a Comment